56 BAIXADA DO EUME (RESULTADOS)
O CLUB NÁUTICO FIRRETE VENCE NA CLASIFICACIÓN POR CLUBS.
   Un ano máis, a Xunta Directiva do Club Náutico Firrete organizou o evento deportivo con máis tradición na Vila dos Andrade (Pontedeume), a Baixada do Eume en Piragua.
   A Baixada do Eume, que suma 56 edicións, é a competición de maior antigüidade do deporte da piragua na provincia da Coruña, e a terceira, tras a Copa Miño de Lugo e a Travesía Ría de Foz, de todo o territorio galego, que é o mesmo que dicir unha das máis antigas de España; foi ao igual cos últimos anos puntuable para a LIGA XUNTA DE GALICIA (Copa de Ríos e Travesías – grupo 1). 
   Na Tarde do sábado 15 de agoso celebrouse a 55 edición da “BAIXADA DO EUME EN PIRAGUA” na que finalmente 207 piragüistas pertencentes a 30 Clubs tomaron a saída. 
   Pola contorna do bosque atlántico costeiro mellor conservado en Europa. Nas proximidades do mosteiro de Caaveiro, dende o segundo refuxio do Eume para os homes e mulleres sénior e veteranos (K-1 e K-2) e desde o primeiro para as canoas, cadetes e júniors, os xuíces enviados pola Federación Galega de Piragüismo, entidade que, ademais de autorizar a competición colabora anualmente co Club Náutico Firrete na organización, deron a saída aos deportistas seguindo o regulamento ás embarcacións participantes segundo modalidade e categoría.
   Os competidores que lograron chegar á meta, situada no paseo marítimo, preto da Ponte de Pedra, e tras percorrer uns 12 quilómetros os que partiron no 2º refuxio, 7 km os do 1º refuxio e 5 km os da Xunqueira de Arriba, foron fortemente ovacionados polo numeroso público asistente, que ao igual que en practicamente todo o percorrido apoiou aos piragüistas que daban colorido ao Parque Natural das Fragas do Eume.
   Nun emotivo acto de entrega de trofeos, que se iniciou ás 20:00 na Alameda de Raxoi, o alcalde de Pontedeume, Bernardo Fernández Piñeiro, entregou unhas placas en homenaxe polos grandes resultados cultivados no Campionato do Mundo e Europeo por parte dos deportistas júnior do Firrete (Martín López, Iker Veiga, Antón Cao e Óscar Allegue). 
VENCEDORES POR CATEGORÍAS E MODALIDADES

INFORMACIÓN A CLUBS PARTICIPANTES NA "56 BAIXADA DO EUME EN PIRAGUA"
PLANO DE ZONAS (APARCADOIRO, META E ENTREGA DE TROFEOS), ADESTRAMENTOS NO RÍO, HORARIOS DE SAÍDAS ...​

---